Buscador global

HBI honen helburua da energia energiatrantsizioaren ikuspegitik ikertzea, dituen gizarte- eta ingurumen-inplikazioekin. Gaiari heltzeko proposatzen diren atazek ibilbide bat osatzen dute; ibilbidearen abiapuntua da energia-motak eta horiek klima-aldaketaren aurrean dakartena ikertzea. Ildo horretatik, erronkekin eta onurekin erlazionatutako atazak planteatuko dira, eta ikasleak trantsizioan inplikatuko ditugu. Azkenik, elektrifikazioaren gaiarekin amaituko da. Ikasleen inplikazioa lortzeko, proposatzen diren atazetan eta jardueretan garrantzi handia dute jolasek, elkarlanek eta lankidetza-lanek; izan ere, horietan guztietan metodologia aktiboak bultzatzen dira, ikasleen inplikazio handia lortzeko.

Ikasleek Antzinako Erromari buruzko hainbat alderdi ezagutuko dituzte, eta erromatar munduari buruzko jolas bat sortzeko erabiliko dituzte. Jokoa sekuentziaren azken emaitza izango da. Horretarako, gamifikazio-baliabideak erabiliko dituzte probak eta mahai-jokoaren arauak sortzeko.

Sekuentzia didaktikoak askotariko arazo-egoerak biltzen ditu, iraupen-saio batzuen erronka txiki gisa planteatuta. Erronka bakoitza produkzio bati zuzendutako ikerketa-jarduera gidatu batzuen bidez ebazten da. Energia pisten bidez ikertuko dugu, kontsumo fantasma murrizteko esloganak egingo ditugu, simulazio digitalak erabiltzen ditugu eguneroko egoeren transformazio energetikoak ikertzeko, patinaje pista baten energiekin ausartzen gara, energia berriztagarriak baloratuz energien jatorria ikertzen dugu, elektrizitatearen bidea ezagutzeko ibilbide bat antolatzen dugu, energia berriztagarrietatik elektrizitatearen ekoizpena planifikatzen dugu eta PISA probekin ausartuko gara.