Buscador global

HBI honen helburua da energia energiatrantsizioaren ikuspegitik ikertzea, dituen gizarte- eta ingurumen-inplikazioekin. Gaiari heltzeko proposatzen diren atazek ibilbide bat osatzen dute; ibilbidearen abiapuntua da energia-motak eta horiek klima-aldaketaren aurrean dakartena ikertzea. Ildo horretatik, erronkekin eta onurekin erlazionatutako atazak planteatuko dira, eta ikasleak trantsizioan inplikatuko ditugu. Azkenik, elektrifikazioaren gaiarekin amaituko da. Ikasleen inplikazioa lortzeko, proposatzen diren atazetan eta jardueretan garrantzi handia dute jolasek, elkarlanek eta lankidetza-lanek; izan ere, horietan guztietan metodologia aktiboak bultzatzen dira, ikasleen inplikazio handia lortzeko.

HBI honen helburua da formulazioari buruz ikastea, konposatu bitarren eta hirutarren mailan, hidroxidoen kasuan. Gai honi heltzeko, zenbait maila proposatzen dira, gero eta konplexutasunmaila handiagoa dutenak, eta maila batetik bestera pasatu ahal izateko horiek gainditzen joatearen garrantzia azpimarratzen da. Ikasleen inplikazioa lortzeko, proposatzen diren atazetan eta jardueretan garrantzi handia dute jolasek, elkarlanek eta lankidetza-lanek; izan ere, horietan guztietan metodologia aktiboak bultzatzen dira, ikasleen inplikazio handia lortzeko. Probak azken produktuak lortzera bideratuta daude, eta, horretarako, banakako nahiz taldekako ekarpenak baloratzen dira.

HBI honen helburu nagusia erreakzio kimikoak aztertzea eta hiru irudikapenmailak antolatu ahal izatea da; hau da, makroskopikoa, mikroskopikoa eta sinbolikoa. Gainera, Garapen Jasangarrirako Helburuek egoera ugari eskaintzen dizkigute erreakzio kimikoen azterketa testuinguruan kokatzeko, argudio zientifikoaren garapena sustatzen duten kasuen azterketaren bidez erabakiak modu jasangarrian hartzea sustatzeko. Era berean, HBI honek askotariko ikuspegiak garatzen ditu, metodologia zientifikoa deitzen dugun horren barruan. Sekuentzia didaktikoan ikaskuntzako egoerak daude; hainbat saiotako iraupena duten atazak dira, eta azken ekoizpen bati lotuta daude.

HBI hau kanpoko agente geologikoak eta erliebeak eta paisaiak eratu eta aldatzen dituzten ingurumen alderdiak lantzen dituen proposamen didaktiko bat da. Ikaskuntza egoera bat da, non ikasleek zenbait konpetentzia-ataza egiten dituzten. Laborategian eta Sarean ikerketak egiten dituzte, simulazio eta argazkien bidez, hausnartu egiten dute, ondorioak ateratzen dituzte, eztabaidatu eta txostenak, taulak, glosarioak, etab. egiten dituzte. Ikasitakoa “Geopostaletan” laburbiltzen dute. Horietan, paisaiak eta giza ekintzek duten inpaktua deskribatzen eta interpretatzen dute, ikastetxea ikusgai jartzeko.

Hezkuntza Baliabide Ireki (HBI) honen helburu nagusia da taula periodikoa eta horien elementuak era erakargarrian ikastea, kimika bere historiarekin eta gure ingurunearekin uztartuz. Elementu kimikoen sailkapenari buruzko ezaguera zientifikoa sortzeko prozesu historikoek Kasu Azterketaren testuingurua ematen digute, eta eskema izateko balio dute, ikasleei taula periodikoa ulertzen lagunduko dien ikerketa ikaskuntzan. Gainera,

HBI honek askotariko ikuspegiak garatzen ditu, metodologia zientifikoa deitzen dugun horren barruan. Sekuentzia didaktikoan, ikaskuntzaegoerak daude, azken ekoizpen bati lotuta daudenak. Ikasketa-egoera horiek hainbat saiotan egiteko ataza gisa planteatuta daude, eta ikerketa gidatuen bidez ebazten dira.

HBI honen xedea nagusia da eredu atomikoen eboluzioa aztertzea denboran zehar egungo eredu atomikora iritsi arte. Gai garrantzitsua da baina oso deskriptiboa; hori dela eta, testuinguruan jartzea, ikerketa eta modelizazioa sartu dira STEM konpetentzien eta gainerako funtsezko konpetentzien garapeneko ezinbesteko prozesu gisa.

Sekuentzia didaktikoan ikaskuntzako egoerak daude, hainbat saiotako iraupena duten atazak dira eta azken ekoizpen bati lotutako gidatutako ikerketaren bidez ebazten dira.

HBI hau proposamen didaktikoa da, eta gizakiaren ugaltze-aparatua lantzen du, baina ez soilik zati anatomiko eta funtzionala, baita sexu-aniztasunarekin, genero-berdintasunarekin eta ohitura osasuntsuekin lotutako partea ere. Proiektu gisa aurkezten da, ikasleek hainbat ataza egiteko, ikasi, hausnartu eta eztabaidatzeko eta entrenatzeko, gero zenbait baliabide sortu aldera (liburuxkak, zerrendak, konparazio taulak, mapa kontzeptualak, etab.). Azkenik, hori guztia hartu eta erakusketa bat ipiniko dute ikastetxean. Erakusketa horretan ikasleak gaiari buruzko aholkulari jardungo dira.

HBI honen helburu nagusia da gizakion zelula eta ehunak aztertzea, baita zelulek biologian duten garrantziaz jabetzea ere. Gaia jorratzeko, nahiko gai deskribatzailea denez, formatu gamifikatu bat aukeratu da, non zelula bera den joko-taula; bertan proposatuko dira atazak, askotariko proben bidez, hezkuntza-konpetentzia guztiak lantzeko. Proba bakoitzak puntuak ematen ditu, eta azken produktuetara daude bideratuta. Probez gain, ikasleen arteko lankidetza eta ekarpen pertsonalak ere baloratuko dira.

HBI honen helburua da osasuna eta ohitura osasungarriak ikertzea. Osasuna guretzat zer den aztertuko dugu, bai eta kontzeptu horrek historian izan duen bilakaera ere. Ikuspuntu zientifikotik aztertuko ditugu ohitura osasungarriak, gaur egungo praktika jakin batzuetatik haratago (hala nola gorputza gurtzea edo pozik egoteko beharrari buruzko mezu-zaparrada), presio handia egiten baitute osasunaren arloan hartzen ditugun erabakietan.

Sekuentzia didaktikoa ikaskuntza-egoerek osatzen dute, erronka gisa planteatzen baitira, eta gidatutako ikerketen bitartez ebazten dira, amaierako produkzio bati lotuta. Horiek guztiek STEM konpetentzia eta gainerako hezkuntza-konpetentziak garatzen laguntzen dute, baita XXI. mendeko hezkuntzaren erronkak ere.

HBI honetan, honako gai hauek jorratuko ditugu: ekosistemak, gizakiak haien gainean duen eragina, planeta babesteko egon daitezkeen irtenbideak eta ohitura jasangarriak. Sistema naturalek nola funtzionatzen duten ulertzeak haren orekari eusteko informazioa ematen digu; horrexegatik landuko dugu lehenengo atalean. Bigarren atalean, jasangarritasunaren eta, ondorioz, gure ongizatearen aldeko kontsumo-ohiturak ikertuko ditugu.HBI honetan, honako gai hauek jorratuko ditugu: ekosistemak, gizakiak haien gainean duen eragina, planeta babesteko egon daitezkeen irtenbideak eta ohitura jasangarriak. Sistema naturalek nola funtzionatzen duten ulertzeak haren orekari eusteko informazioa ematen digu; horrexegatik landuko dugu lehenengo atalean. Bigarren atalean, jasangarritasunaren eta, ondorioz, gure ongizatearen aldeko kontsumo-ohiturak ikertuko ditugu.